Kupa evropiane e shahut për klube do të tingëllojë ndryshe këtë vit, me një koment të nivelit të lartë shahu nga tifozët e preferuar!
WIM Fiona Steil-Antoni, me Medalje të Artë në Olimpiadën e Torinos 2006 dhe 3 herë kampion, britaniku GM David Howell do të jenë komentuesit e turneut që do të mbahet në Durrës, Shqipëri, nga 30 shtatori deri më 8 tetor 2023.
Ekipet e hapura të përbëra nga gjashtë lojtarë plus dy rezervë dhe ekipet e femrave, me katër lojtarë plus një lojtare rezervë, që përfaqësojnë klubet evropiane të shahut, do të garojnë për një fond total çmimesh prej 45.000 euro.
Vendi i zhvillimit të turneut do të jetë hoteli zyrtar i kampionatit, “Grand Blue Fafa Resort/5-yje” (*****).
Çdo federatë që synon të marrë pjesë, me një ose më shumë klube, duhet të informojë Komitetin Organizativ përpara datës 1 gusht 2023 për pranimin e ftesës, duke specifikuar numrin e saktë të klubeve pjesëmarrëse. Një kopje duhet t’i dërgohet Drejtorit të Turneut të ECU, z. Petr Pisk, petr.pisk@centrum.cz. Më pas, formularët e hyrjes duhet të plotësohen dhe të dërgohen në adresën e-mail të turneut office@clubcup2023.com dhe menaxheren e turneut znj. Majlinda Pilinci, e-mail: mpilinci@clubcup2023.com jo më vonë se 15 gusht 2023. Përbërja e ekipit bazë do të dorëzohet me formularin e hyrjes.
