Kampionati Botëror i Shahut për Fëmijë FIDE 2024, në disiplinat Rapid & Blitz, organizuar nga FIDE dhe Federata Shqiptare e Shahut, zyrtarizoi çeljen pranë Hotel Fafa Resort & Spa, në qytetin bregdetar.
Presidenti i Shqipërisë Z. Bajram Begaj e shpalli të hapur garën, duke ndërmarrë edhe lëvizjen e parë simbolike, në ndeshjen mes Amina Hotit (Shqipëri) dhe Gunesh Bayramova (Turkmenistan), për seksionin e vajzave U-8.
Qindra të rinj të talentuar, nga 6 – 12 vjeç u mblodhën pikërisht në ambientet ku vetëm pak muaj më parë, ngriti kupën kampioni i botës në shah, Magnus Carlsen, me ekipin e tij “Offerspill”, si triumfuesit e Europianit të Klubeve 2023.
Duke garuar gjatë tri ditëve intensive, të rinjtë e talentuar në shah, të moshës 6 – 12 vjeç, që vijnë nga e gjithë bota, do të luajnë për kampionin e botës në disiplinat Rapid dhe Blitz, për kategoritë U8, U10 dhe U12.
Në ceremoninë hapëse morën pjesë Presidenti i Shqipërisë, Z. Bajram Begaj, i deleguari i FIDE-s, Kryetar Nderi dhe Shefi i Ngjarjeve të Inspeksionit, Ozgur Solakoglu, Renis Mullaj, Zv.Kryetari i Durrësit, Fidel YLLI, President i Komitetit Olimpik Shqiptar dhe Erald Dervishi, President. i Federatës Shqiptare të Shahut, President i Federatës Ballkanike të Shahut, i cili, u uroi mirëseardhjen pjesëmarrësve dhe shumë suksese shahistëve.
Ditën e parë u luajtën pesë raunde, në disiplinën e Rapidit. Gjatë ditës së dytë, do të shohim gjashtë raundet e fundit të këtij kompeticioni.
Ndërsa, ditën e tretë, pjesëmarrësit do të luajnë 11 raunde, në disiplinën Blitz.
Fotografia: Anastasia Karlovich
worldcadetrb2024.fide.com/achf.org.al
