FEDERATA SHQIPTARE E SHAHUT organizon: TIRANA NË 100-VJETORIN E FIDE-s DHE GARËN PËR REKORDIN BOTËROR GUINNESS, TURNE OPEN RAPID DHE BLITZ 20-21 KORRIK 2024 – ORGANIZUAR NË DITËN NDËRKOMBËTARETË SHAHUT.
Dita më e Madhe e Shahut të të gjitha Kohërave, vjen edhe në SHQIPËRI! 100-vjetori i Federatës Ndërkombëtare të Shahut – FIDE bashkon shahistë nga e gjithë bota, në garën e madhe, për sa më shumë lojëra shahu në 24 orë. Në Tiranë, kjo garë madhështore zhvillohet në ambientet e Hotel Rogner, më 20 dhe 21 Korrik 2024 – Dita Ndërkombëtare e Shahut – garën Rapid Open – 20 korrik dhe Blic Open – 21 korrik.
Federata Shqiptare e Shahut, nën kujdesin e Bashkisë Tiranë organizojnë në ambientet e Hotel Rogner, në kryeqytet, më 20 dhe 21 Korrik 2024 – Dita Ndërkombëtare e Shahut – garën Rapid Open – 20 korrik dhe Blic Open – 21 korrik.
- Rregullat e përgjithshme
2.1.Kjo rregullore përmban mënyrën e garimit p^r Kampionatin “Tirana Rapid & Blitz 2024”.
2.2. Në këtë garë, janë të vlefshme Rregullat e Shahut sipas FIDE dhe procedura e garave nga Federata Shqiptare e Shahut.
2.3. Gara është regjistruar në GËR, si pjesë e festivalit mbarëbotëror, me rastin e 100-vjetorit të FIDE-s.
- Pjesëmarrja
3.1. Të drejtën e pjesëmarrjes, e kanë shahistët përfaqësues të klubeve të shahut që janë anëtarë të FSHSH, si dhe lojtarë të tjerë, të pajisur me FIDE ID.
3.2. Për të siguruar standardet e duhura të turneut, të gjithë lojtarët duhet të regjistrohen përmes klubeve të tyre, para datës 18 qershor 2024 (afati i regjistrimit).
3.3. Qasja në zonat e lojërave, do t’u lejohet, vetëm personave të akredituar nga organizatori.
- Tarifat
Tarifa e hyrjes prej 200 Lekë, do të paguhet nga secili lojtar, para fillimit të garës.
- Vendi dhe Data
Garat do të zhvillohen ne ambientet e Rogner Hotel Tirana, në datat 20 & 21 Korrik 2024, Salla ANTIGONEA 1.
- Rapid: 20 Korrik 2024 ora 09:30
- Blitz: 21 Korrik 2024 ora 09:30
6. Mënyra e garimit
6.1. Gara është e vlefshme për Elo Rating dhe zhvillohet sipas sistemeve të mëposhtme:
- Rapid: 9 raunde, me anë të sistemit zvicerian
- Blitz: 11 raunde, me anë të sistemit zvicerian
6.2 Koha e mendimit, për secilin lojtar, do të jetë:
- Rapid: 10 minuta plus 5 sekonda, për çdo lçvizje, duke filluar nga lëvizja e parë
- Blitz: 3 minuta plus 2 sekonda, për çdo lëvizje, duke filluar nga lëvizja e parë
6.3 Rezultati për çdo ndeshje, do të jetë 1 pikë për fitore, ½ për barazim dhe 0 për humbje.
Renditja e lojtarëve me pikë të barabarta, do të vendoset bazuar në tie-breaks-in e mëposhtëm.
6.4 Tie – breaks:
a. Buchholz Cut 1
b. Buchholz
c. Ndeshje Direkte
d.Me shumë ndeshje me të zeza
Për lojrat e paluajtura, tie-break-u modifikohet sipas regullores së FIDE-s.
7. Çmimet
7.1. Kupa dhe diploma, do të shpërndahen për fituesit, nga vendi i 1-rë, në vendin e 3-të
7.2. Fondi i Çmimeve prej 200 000 lekë, do të jepet për fituesit e të dyja garave, i ndarë si më poshtë:
| Fondi I Cmimeve | ||
| – | Cmimet per fituesit : Rapid | 100,000 |
| 1 | Vendi 1 | 25,000 |
| 2 | Vendi 2 | 20,000 |
| 3 | Vendi 3 | 15,000 |
| 4 | Vendi 4 | 8,000 |
| 5 | Vendi 5 | 6,000 |
| 6 | Vendi 6 | 6,000 |
| 7 | Femra, më e mira | 6,000 |
| 8 | Senior+ 60 | 4,000 |
| 9 | Elo+ 1900 | 4,000 |
| 10 | U 8 | 3,000 |
| 11 | Amator/ pa Elo | 4,000 |
| 12 | U 14 | 3,000 |
| – | Çmimet për fituesit: Blitz | 100,000 |
| 1 | Vendi 1 | 25,000 |
| 2 | Vendi 2 | 20,000 |
| 3 | Vendi 3 | 15,000 |
| 4 | Vendi 4 | 8,000 |
| 5 | Vendi 5 | 6,000 |
| 6 | Femra, më e mira | 6,000 |
| 7 | Senior+ 60 | 6,000 |
| 8 | Elo deri 1900 | 4,000 |
| 9 | Amator/ pa Elo | 4,000 |
| 10 | U 14 | 3,000 |
| 11 | U 8 | 3,000 |
8. Rregullat Bazë:
8.1 Çdo lëvizje e konsideruar e parregullt, dënohet me 1 minutë shtesë, për kundërshtarin.
8.2 Në raste gradimi të ushtareve dhe guri që dëshironi, nuk ndodhet pranë, ndalohet sahati dhe kërkohet asistenca e arbitrit.
8.3 Në rastet kur jepet shah dhe kundershtari nuk e mbron mbretin, por bën një lëvizje tjetër, atëherë mjafton të reklamoni lëvizje të parregullt nga ana e kundërshtarit.
8.4 Në rast se, kundërshtari bën një lëvizje jo të rregullt dhe ju bëni një lëvizje tjetër, atëherë lëvizja e kundërshtarit konsiderohet e saktë.
8.5 Ndërhyrja e arbitrit është e lejuar gjatë lojës dhe vendimi i tij është i pakontestueshëm.
8.6 Mbarimi i kohës, sjell humbjen e lojës. Reklamimi, mund të bëhet nga lojtari ose arbitri, në rast kur është prezent.
8.7 Pozicionet që, në rregulloren e shahut konsiderohen barazime të menjëhershme, sjellin barazimin e lojës.
8.8 Kryerja e lëvizjeve me dy duar, penalizohet me 1 min shtesë, te kundërshtari.
8.9 Dy lëvizje të gabuara, sjellin humbjen e lojës.
8.10 Nëse lojtarit i tërhiqet vëmendja nga arbitri, për herë të dytë, gjatë lojës, nga arbitri, ai e humbet lojën.
8.11 Ndalohet rreptësisht, pirja e duhanit në sallë.
8.12 Lojtarit i ndalohet komunikimi, gjatë lojës.
8.13 Pas mbarimit të lojës, lojtarët duhet të largohen nga ambientet e garës.
8.14 Në sallën e lojës, lejohen vetëm lojtarët dhe gjyqtaria.
9. Gjyqtaria
- Kryegjyqtar, IA Marin Çollaku
- Gjyqtar, NA Kristaq Andoni
- Gjyqtar, NA Fatmir Bajraktari
10-. Komisoni i Reklamimit dhe reklamimet
Komisioni i reklamimit përbëhet nga:
- FA Pandi Borova
- FA Bernard Leka
- IA Arta Driza
10.1 Reklamimi për çështjen, duhet të bëhet direkt pas përfundimit të ndeshjes që po reklamohet, me anë të një kërkese me shkrim, ndaj Gjyqtarisë.
