Tiranë, 27-28 Mars 2026, Federata Shqiptare e Shahut organizon aktivitetin “FIDE WOM Girls & Women Event, Tirana 2026”, në ambientet e shkollës 9-vjeçare “Emin Duraku”, në kuadër të FIDE Women’s Commission Girls & Women Chess Marathon 2026.
Ky aktivitet zhvillohet në bashkëpunim me FIDE Women’s Commission (WOM) dhe synon të rrisë pjesëmarrjen e vajzave në shah, duke promovuar këtë sport si një mjet edukimi dhe zhvillimi personal.
Eventi do të ketë një dimension ndërkombëtar, me pjesëmarrjen e
Anastasia Sorokina, Kryetare e FIDE WOM,
dhe Majlinda Pilinci, Sekretare e Përgjithshme e Federatës Shqiptare të Shahut,
të cilat përfaqësojnë modele të rëndësishme frymëzimi për vajzat pjesëmarrëse.
Gjatë dy ditëve të aktivitetit do të zhvillohen një sërë veprimtarish, përfshirë:
aktivitetin interaktiv “Girls Chess Wall – Our Voice”
lojëra simultane shahu
ceremoninë përmbyllëse me shpërndarje certifikatash dhe çmimesh
Ky event shërben si një hap i rëndësishëm në drejtim të rritjes së pjesëmarrjes së vajzave në garat zyrtare, duke krijuar një lidhje të drejtpërdrejtë me Kampionatin Kombëtar të të Rinjve, i cili zhvillohet nga 28 Mars deri më 5 Prill 2026.
Në kuadër të FIDE Women’s Chess Marathon 2026, iniciativa synon të krijojë një ndikim të qëndrueshëm në komunitet, duke nxitur përfshirjen afatgjatë të vajzave në shah dhe duke promovuar rolin e tyre në zhvillimin e këtij sporti.
📍 Shkolla “Emin Duraku”, Tiranë
📅 27–28 Mars 2026
Federata Shqiptare e Shahut fton të gjithë të interesuarit të ndjekin këtë aktivitet dhe të bëhen pjesë e një nisme që promovon edukimin, përfshirjen dhe zhvillimin përmes shahut.
